«Ланс» ПСЖни мағлуб этиб, Франция Суперкубогини қўлга киритди
Баҳсдаги ягона гол 32-дақиқада Флоран Товен томонидан киритилди.
Фото: Getty Images
2026 йилги Франция Суперкубоги финалида «Ланс» ПСЖ устидан 1:0 ҳисобида ғалаба қозониб, соврин соҳибига айланди. Учрашув «Ланс»нинг «Боллар-Делелис» стадионида бўлиб ўтди.
Баҳсдаги ягона гол 32-дақиқада Флоран Товен томонидан киритилди. 39-дақиқада эса «Ланс» ҳимоячиси Киллиан Антонио қизил карточка олиб, жамоасини бир киши кам қолдирди.
Шунга қарамай, мезбонлар қолган дақиқаларда ҳисобдаги устунликни сақлаб қолди. Учрашувнинг 86-дақиқасида ПСЖ ҳимоячиси Нуну Мендеш ҳам майдондан четлатилди.
Шу тариқа, «Ланс» ўз тарихида илк бор Франция Суперкубогини қўлга киритди. ПСЖ эса сўнгги беш йил ичида биринчи марта мазкур совринга эга чиқа олмади.
Насрулло Каримов
Журналист