Ламин Ямалнинг уйига ўғрилар бостириб киришга уринди
Испания терма жамоаси ва “Барселона” вингери Ламин Ямалнинг Барселонадаги уйига ўғрилар бостириб киришга уринди. Ҳодиса футболчи ЖЧ-2026 ярим финалида Францияга қарши учрашувда майдонда бўлган пайтда содир бўлган.
Маълумотларга кўра, икки нафар ниқобли шахс уй ҳудудига девор орқали киришга ҳаракат қилган. Бироқ Ямалнинг шахсий қўриқлаш хизмати кузатув камералари орқали уларни ўз вақтида пайқаб, хавфсизлик протоколини ишга туширган. Шундан сўнг воқеа жойига полиция етиб келган, гумондорлар эса қочиб кетган.
Ҳозирда Каталония полицияси ушбу ҳолат юзасидан тергов олиб бормоқда. Ҳуқуқ-тартибот органлари кузатув камералари тасвирлари орқали гумондорларнинг шахсига аниқлик киритишга ҳаракат қилмоқда.
Қайд этилишича, сўнгги ойларда Испанияда бир қатор машҳур футболчиларнинг уйларига ҳам ўғрилик қилишга уриниш ҳолатлари қайд этилган. Ямалнинг уйи атрофидаги ушбу воқеа ҳам ана шундай жиноятлар кетма-кетлигининг бир қисми бўлиши мумкинлиги тахмин қилинмоқда.
