Ламин Ямал Жаҳон чемпионатларида дебют қилди
Испания терма жамоаси вингери Ламин Ямал ЖЧ-2026 гуруҳ босқичининг 1-туридан ўрин олган Кабо-Вердега қарши ўйинда (0:0) миллий жамоа сафида жаҳон биринчиликлари финал босқичидаги дебютини ўтказди. Мазкур учрашув АҚШнинг Атланта шаҳридаги «Мерседес-Бенс Стадиум» стадионида бўлиб ўтди. Баҳсни иорданиялик бош ҳакам Адҳам Муҳаммад бошқариб борди.
Ямал учрашувнинг 71-дақиқасида майдонга тушди ва самарали ҳаракатлари билан ажралиб тура олмади. Ҳакам томонидан қўшиб берилган вақтни ҳисобга олганда, футболчи майдонда 24 дақиқа ҳаракат қилди.
«H» гуруҳининг 2-турида Испания миллий терма жамоаси Саудия Арабистони билан (21-июн), 3-турда эса Уругвай билан (27-июн) тўқнаш келади.
Маълумот учун, гуруҳ босқичи мусобақалари 11-июндан 27-июнгача давом этади. Жамоалар ўзаро бир даврали тизимда (ҳар бири биртадан учрашув) ўйин ўтказишади. Плей-офф босқичига ҳар бир гуруҳдан иккитадан энг яхши терма жамоа, шунингдек, учинчи ўринни эгаллаган энг яхши 8 та жамоа йўл олади.
