Lamin Yamal Jahon chempionatlarida debyut qildi
Ispaniya terma jamoasi vingeri Lamin Yamal JCh-2026 guruh bosqichining 1-turidan oʻrin olgan Kabo-Verdega qarshi oʻyinda (0:0) milliy jamoa safida jahon birinchiliklari final bosqichidagi debyutini oʻtkazdi. Mazkur uchrashuv AQSHning Atlanta shahridagi «Mersedes-Bens Stedium» stadionida boʻlib oʻtdi. Bahsni iordaniyalik bosh hakam Adham Muhammad boshqarib bordi.
Yamal uchrashuvning 71-daqiqasida maydonga tushdi va samarali harakatlari bilan ajralib tura olmadi. Hakam tomonidan qoʻshib berilgan vaqtni hisobga olganda, futbolchi maydonda 24 daqiqa harakat qildi.
«H» guruhining 2-turida Ispaniya milliy terma jamoasi Saudiya Arabistoni bilan (21-iyun), 3-turda esa Urugvay bilan (27-iyun) toʻqnash keladi.
Maʼlumot uchun, guruh bosqichi musobaqalari 11-iyundan 27-iyungacha davom etadi. Jamoalar oʻzaro bir davrali tizimda (har biri tadan uchrashuv) oʻyin oʻtkazishadi. Pley-off bosqichiga har bir guruhdan ikkitadan eng yaxshi terma jamoa, shuningdek, uchinchi oʻrinni egallagan eng yaxshi 8 ta jamoa yoʻl oladi.
