Ламин Ямал «Олтин тўп» учун курашда етакчилик қилмоқда
The Touchline нашри март ойи ҳолатига кўра 2026 йилги «Олтин тўп» учун даъвогар бўлган 5 нафар футболчи номини эълон қилди.
ФОТО: Getty Images
«Барселона» ҳужумчиси Ламин Ямал 2026 йилги «Олтин тўп» соврини учун курашда асосий фаворит бўлиб турибди. Бу ҳақда The Touchline нашри хабар бермоқда.
Манбанинг маълум қилишича, кучли бешликдан «кўк-анорранглилар»нинг яна бир аъзоси — Педри ҳам жой олган.
2026 йилги «Олтин тўп»га даъвогарларнинг бугунги ҳолатга кўра янгиланган рейтинг (The Touchline, 23 март):
- Ламин Ямал («Барселона»);
- Ҳарри Кейн («Бавария»);
- Килиан Мбаппе («Реал Мадрид»);
- Педри («Барселона»);
- Эрлинг Холанд («Манчестер Сити»).
Жорий мавсумда Ламин Ямал «Барселона» сафида барча турнирлар доирасида 40 та ўйинда майдонга тушиб, 21 та гол ва 16 та голли узатмага муаллифлик қилди. Айни дамда каталонияликлар 73 очко билан Ла Лига турнир жадвалида пешқадамлик қилмоқда, Чемпионлар Лигасида эса чорак финалга йўлланма олиб, бу босқичда «Атлетико»га қарши баҳс олиб боради.
Насрулло Каримов
Журналист