Lamin Yamal «Oltin toʻp» uchun kurashda yetakchilik qilmoqda
The Touchline nashri mart oyi holatiga koʻra 2026 yilgi «Oltin toʻp» uchun daʼvogar boʻlgan 5 nafar futbolchi nomini eʼlon qildi.
FOTO: Getty Images
«Barselona» hujumchisi Lamin Yamal 2026 yilgi «Oltin to‘p» sovrini uchun kurashda asosiy favorit bo‘lib turibdi. Bu haqda The Touchline nashri xabar bermoqda.
Manbaning ma’lum qilishicha, kuchli beshlikdan «ko‘k-anorranglilar»ning yana bir a’zosi — Pedri ham joy olgan.
2026 yilgi «Oltin to‘p»ga da’vorgarlarning bugungi holatga ko‘ra yangilangan reytingi (The Touchline, 23 mart):
- Lamin Yamal («Barselona»);
- Harri Keyn («Bavariya»);
- Kilian Mbappe («Real Madrid»);
- Pedri («Barselona»);
- Erling Holand («Manchester Siti»).
Joriy mavsumda Lamin Yamal «Barselona» safida barcha turnirlar doirasida 40 ta o‘yinda maydonga tushib, 21 ta gol va 16 ta golli uzatmaga mualliflik qildi. Ayni damda kataloniyaliklar 73 ochko bilan La Liga turnir jadvalida peshqadamlik qilmoqda, Chempionlar Ligasida esa chorak finalga yo‘llanma olib, bu bosqichda «Atletiko»ga qarshi bahs olib boradi.
Nasrullo Karimov
Jurnalist