Ламин Ямал иккинчи марта кетма-кет дунёнинг энг қиммат футболчиси деб топилди
CIES версиясига кўра, 18 ёшли футболчининг трансфер қиймати деярли 360 млн еврони ташкил этди.
ФОТО: Getty images
Испаниянинг “Барселона” клуби ярим ҳимоячиси Ламин Ямал Халқаро спорт тадқиқотлари маркази (CIES) талқинига кўра дунёнинг энг қиммат футболчиси деб топилди.
18 ёшли Ямалнинг нархи 358,1 млн евронi ташкил этди. Унинг энг яқин таъқибчиси Англиянинг “Манчестер Сити” клуби норвегиялик ҳужумчиси Эрлинг Холанд (227,3 млн евро) бўлди.
Кучли учликни Испаниянинг “Реал” клуби франциялик ҳужумчиси Килиан Мбаппе (165,7 млн евро) якунлаб берди.
Ламин Ямал CIES талқинига кўра кетма-кет иккинчи марта дунёнинг энг қиммат футболчилари рўйхатини бошқарди. 2025 йилда у 402,3 млн еврога баҳоланган эди.