Ламин Ямал: “Альварес — ажойиб футболчи, аммо “Барселона” таркибидан мамнунман”
“Барселона” вингери Ламин Ямал “Атлетико” ҳужумчиси Хулиан Альвареснинг Каталония клубига эҳтимолий трансфери ҳақида фикр билдирди. 19 ёшли футболчи аргентиналик ҳужумчининг савиясини юқори баҳолади, бироқ жамоанинг ҳозирги таркибидан мамнун эканини таъкидлади.
Ямалнинг айтишича, “Барселона” айни пайтда ҳужумда муаммога дуч келмаяпти ва жамоа етарлича голлар урмоқда. “Альварес — ажойиб футболчи, лекин мен ҳозирги таркибимиздан жуда мамнунман”, дея Ямалнинг сўзларини Diario Sport келтирган.
Аввалроқ ОАВда Альварес “Барселона”га ўтишни истаётгани ҳақида хабарлар тарқалган эди. Бироқ “Атлетико” аргентиналик футболчини тўғридан-тўғри рақибига қўйиб юборишни истамаётгани айтилмоқда.
Маълумот учун, Альварес “Атлетико” сафида 2024-йилдан бери тўп сурмоқда. Ўтган мавсум у барча турнирларда 49 та учрашувда 20 та гол ва 9 та ассист қайд этди. Унинг Мадрид клуби билан шартномаси 2030-йилгача, Transfermarkt эса футболчини 120 миллион еврога баҳоламоқда.
