La Liganинг энг кўп маош олувчи беш нафар футболчиси эълон қилинди

Нуфузли L'Équipe нашри Испания La Ligasининг энг кўп маош олувчи беш нафар футболчиси рўйхатини эълон қилди. Мадриднинг «Real» клуби ҳужумчилари Килиан Мбаппе ва Винисиус Жуниор ушбу рейтингда пешқадамлик қилмоқдалар.

Уларнинг ойлик даромади солиқлар чегириб ташланишидан олдин 2,67 миллион еврони ташкил этади.

Испания чемпионатининг энг юқори маош олувчи топ-5 футболчилари рўйхати (ойлик маош) қуйидагича кўриниш олган:

1. Килиан Мбаппе («Real» Мадрид) – 2,67 млн евро;
2. Винисиус Жуниор («Real» Мадрид) – 2,67 млн евро;
3. Давид Алаба («Real» Мадрид) – 1,88 млн евро;
4. Роберт Левандовски («Барселона») – 1,73 млн евро;
5. Жуд Беллингем («Real» Мадрид) ва Ян Облак («Атлетико» Мадрид) – 1,67 млн евродан.

Айни дамда La Liga турнир жадвалида «Барселона» 73 очко билан пешқадамлик қилмоқда. 69 очкога эга бўлган Мадриднинг «Real» клуби эса иккинчи ўринни эгаллаб турибди.

Насрулло Каримов

Журналист