Ла Лига. «Жирона» «Барселона»ни иродали тарзда мағлуб этди
Испания чемпионатида 24-тур учрашувлари якунига етди.
ФОТО: Getty images
Испания Ла Лигасининг 24-туридан ўрин олган «Жирона» ва «Барселона» жамоалари ўртасидаги учрашув якунланди.
Унда мезбонлар 2:1 ҳисобида ғалаба қозонди. Дастлаб 45+3-дақиқада Ламин Ямаль пенальтини голга айлантира олмади — тўп дарвоза устунига тегди. 59-дақиқада Пау Кубарси ҳисобни очиб, «кўк-анорранглилар»ни олдинга олиб чиқди. 62-дақиқада Тома Лемар жавоб голини урди. Ғалаба тўпини эса 87-дақиқада Фран Бельтран киритди.
Натижада «Жирона» 29 очко билан Испания чемпионати турнир жадвалида 12-ўринда бормоқда, «Барселона» эса 58 очко билан иккинчи поғонани эгаллаб турибди.
Ла Лига, 24-тур
«Жирона» — «Барселона» — 2:1
Голлар: Кубарси, 59 (0:1). Лемар, 62 (1:1). Бельтран, 87 (2:1).
Амалга оширилмаган пенальти: Ямал, 45.
