Ла Лига. «Вильярреал» «Эспаньол»ни енгиб, «Атлетико»га етиб олди
Баҳсда жами 5 та гол урилди.
ФОТО: Getty images
Ла Лиганинг 23-турида "Вильярреал ўз майдонида "Эспаньол" ни қабул қилди ва 4:1 ҳисобида ғалаба қозонди.
Дастлаб, 35-дақиқада Жорж Микаутадзе ҳисобни очди, 41-дақиқада эса меҳмонлар футболчиси Жозе Салинас ўз дарвозасини ишғол қилиб, орадаги фарқни иккитага оширди. Кейин Николас Пепе ва Альберто Молейро ҳам гол урди ва ҳисобни йириклаштирди. Аммо каталонияликлар аъзоси Леандро Кабрера асосий вақт сўнгида ҳисобни қисқартиришга муваффақ бўлди.
Шу тариқа, "сариқ сувости кемаси" ўз очколарини 45 га етказиб, 3-ўринда бораётган «Атлетико» билан тенглашиб олди.
Ла Лига. 23-тур
Вильярреал – Эспаньол 4:1
Голлар: Микаутадзе 38, Салинас 41 автогол, Пепе 50, Молейро 55 - Кабрера, 88.
Розикжон Султонмуродов
Журналист