Ла Лига. «Валенсия» ўз майдонида «Мальорка»ни юта олмади
Испания чемпионатида 17-тур учрашувлари старт олди.
ФОТО: Getty images
"Валенсия" ўз майдонида Испания чемпионатининг 17-туридан ўрин олган учрашувда "Мальорка"ни мағлуб эта олмади - 1:1. Ўйин "Месталья" стадионида бўлиб ўтди.
Учрашувдаги дастлабки гол 23-дақиқада меҳмонлар ярим ҳимоячиси Самуэль Кошта томонидан киритилди. Мезбонлар ҳужумчиси Уго Дуро иккинчи бўлимда ҳисобни тенглаштирди.
Шундай қилиб, "Валенсия" 16 очко билан Ла Лига турнир жадвалида 16-ўринда бормоқда. "Мальорка" (18) 14-поғонадан жой олган.
Ла Лига. 17-тур
20 декабрь, 01:00
Валенсия - Мальорка - 1:1
Голлар: Кошта, 23 (0:1). Дуро, 52 (1:1)
Розикжон Султонмуродов
Журналист