La Liga. «Valensiya» o‘z maydonida «Malorka»ni mag‘lub eta olmadi
Ispaniya chempionatida 17-tur uchrashuvlari boshlandi.
ФОТО: Getty images
"Valensiya" o‘z maydonida Ispaniya chempionatining 17-turidan o‘rin olgan uchrashuvda "Malorka"ni mag‘lub eta olmadi – 1:1. O‘yin "Mestalla" stadionida bo‘lib o‘tdi.
Uchrashuvdagi birinchi gol 23-daqiqada mehmonlar yarim himoyachisi Samuel Koshta tomonidan kiritildi. Mezbonlar hujumchisi Ugo Duro ikkinchi bo‘limda hisobni tenglashtirdi.
Shu tariqa, "Valensiya" 16 ochko bilan La Liga turnir jadvalida 16-o‘rinda bormoqda. "Malorka" (18) esa 14-pog‘onadan joy olgan.
La Liga. 17-tur
20 dekabr, 01:00
Valensiya – Malorka – 1:1
Gollar: Koshta, 23 (0:1). Duro, 52 (1:1)
