La Liga таркиблари қиймати янгиланди: «Реал» етакчи, «Барселона» иккинчи ўринда
Нуфузли Transfermarkt интернет портали La Liga клублари футболчиларининг бозор нархларини янгилади. Янги маълумотларга кўра, Испания чемпионатида энг қиммат таркибга Мадриднинг «Реал» клуби эга бўлиб турибди (1,22 миллиард евро). Иккинчи ўриндан «Барселона» жой олган бўлса (1,16 миллиард евро), кучли учликни Мадриднинг «Атлетико» клуби якунлаб берди (577 миллион евро).
«Реал» ушбу янгиланишдан кейин футболчиларининг трансфер қийматида 10,9 фоиз йўқотишга учраганига қарамай, рейтингда етакчиликни сақлаб қолган.
Ортда қолган Испания La Ligaси мавсуми якунларига кўра, 95 очко жамғарган «Барселона» чемпионликни қўлга киритган эди. Мадриднинг «Реал» клуби эса 2025/2026 йилги мавсумни турнир жадвалининг иккинчи поғонасида якунлади — «қаймоқранглилар» ҳисобида 86 очко мавжуд. 72 очко жамғарган «Вильярреал» эса кучли учликдан жой олган.