Ла Лига. «Реал» 90+4-дақиқада урилган гол эвазига «Сельта»ни мағлуб этди
Мадриднинг «Реал» клуби Ла Лиганинг 27-тури доирасида «Сельта»га қарши кечган драматик баҳсда ғалабани илиб кетди (2:1). Виго шаҳридаги учрашув мухлисларни сўнгги сонияларгача ҳайажонда ушлаб турди.
11-дақиқада Аурельян Чуамени ҳисобни очди, бироқ мезбонлар таслим бўлишмади ва Борха Иглесиас биринчи бўлимдаёқ мувозанатни тиклади.
«Қаймоқранглилар»га ғалабани 94-дақиқада Федерико Вальверде томонидан киритилган гол тақдим этди.
Ушбу ғалаба Альваро Арбелоа шогирдлари учун жуда муҳим эди, чунки жамоа бунгача кетма-кет икки ўйинда («Хетафе» ва «Осасуна»га қарши) мағлуб бўлган эди. Ушбу турдан сўнг «Реал» 63 очко билан иккинчи ўринда бормоқда, «Сельта» эса олтинчи поғонани эгаллаб турибди.
Ла Лига. 27-тур
«Сельта» — «Реал» 1:2
Голлар: Иглесиас (25) — Чуамени (11), Вальверде (90+4).
