La Liga. «Real» 90+4-daqiqada urilgan gol evaziga «Selta»ni magʻlub etdi
Madridning «Real» klubi La Liganing 27-turi doirasida «Selta»ga qarshi kechgan dramatik bahsda g‘alabani ilib ketdi (2:1). Vigodagi uchrashuv muxlislarni so‘nggi soniyalargacha hayajonda ushlab turdi.
11-daqiqada Aurelian Tchuameni hisobni ochdi, biroq mezbonlar taslim bo‘lishmadi va Borxa Iglesias birinchi bo‘limdayoq muvozanatni tikladi.
«Qaymoqranglilar»ga g‘alabani 94-daqiqada Federiko Valverde tomonidan kiritilgan gol taqdim etdi.
Ushbu g‘alaba Alvaro Arbeloa shogirdlari uchun juda muhim edi, chunki jamoa bungacha ketma-ket ikki o‘yinda («Xetafe» va «Osasuna»ga qarshi) mag‘lub bo‘lgan edi. Ushbu turdan so‘ng «Real» 63 ochko bilan ikkinchi o‘rinda bormoqda, «Selta» esa oltinchi pog‘onani egallab turibdi.
La Liga. 27-tur
«Selta» — «Real» 1:2
Gollar: Iglesias (25) — Tchuameni (11), Valverde (90+4).
