Ла Лига клуби Фати учун жиддий қизиқиш билдирмоқда
Фото: Getty Images
"Барселона" клуби ҳужумчиси Ансу Фати фаолиятини Испания чемпионатининг бошқа клубида давом эттириши мумкин. Бу ҳақда Todofichajes портали журналистлари хабар бермоқда.
Манбага кўра, 22 ёшли футболчини "Сельта" ўз сафига қўшиб олмоқчи. Виголиклар ёзда Фатини ўз сафига қўшиб олишга тайёргарлик кўрмоқда.
Футболчи "кўк-анорранглилар" билан 2027 йилнинг июнь ойи охиригача шартнома мажбуриятларига эга. Transfermarkt портали томонидан унинг нархи атиги беш миллион еврога баҳоланмоқда.
Испания чемпионатининг жорий мавсумида ҳужумчи каталонияликлар сафида бешта ўйин ўтказиб, уларда гол ва ассист қайд этмади.