La Liga klubi Fati uchun jiddiy qiziqish bildirmoqda

Futbol 26 apr 2025 da 13:41

Roziqjon Sultonmurodov

Jurnalist

"Barselona" klubi hujumchisi Ansu Fati faoliyatini Ispaniya chempionatining boshqa klubida davom ettirishi mumkin. Bu haqda Todofichajes portali jurnalistlari xabar bermoqda.

Manbaga ko'ra, 22 yoshli futbolchini "Selta" o'z safiga qo'shib olmoqchi. Vigoliklar yozda Fatini o'z safiga qo'shib olishga tayyorgarlik ko'rmoqda.

Futbolchi "ko'k-anorranglilar" bilan 2027 yilning iyun oyi oxirigacha shartnoma majburiyatlariga ega. Transfermarkt portali tomonidan uning narxi atigi besh million yevroga baholanmoqda.

Ispaniya chempionatining joriy mavsumida hujumchi kataloniyaliklar safida beshta o'yin o'tkazib, ularda gol va assist qayd etmadi.