Ла Лига. «Эльче» «Валенсия»ни мағлуб этиб, хавфли зонадан узоқлашди
Испания чемпионатининг 31-тур ўйинлари давом эттирилди.
ФОТО: Getty Images
Испания Ла Лигасининг 31-тури доирасида «Эльче» ҳамда «Валенсия» жамоалари ўртасидаги баҳс якунга етди. «Мануэль Мартинес Валеро» стадионида кечган учрашувда мезбонлар 1:0 ҳисобида ғалабани қўлга киритишди.
Ўйиндаги ягона голга 73-дақиқада «Эльче» ҳужумчиси Лукас Сепеда муаллифлик қилди.
Ушбу баҳсдан сўнг «Валенсия» 35 очко билан турнир жадвалида 14-ўринни эгаллаб турибди. «Эльче» эса 32 очко билан 16-поғонадан жой олган.
Навбатдаги турда «Валенсия» 25 апрел куни ўз майдонида «Жирона»ни қабул қилади, «Эльче» эса бир кун ўтиб сафарда «Овьедо» меҳмони бўлади.
Насрулло Каримов
Журналист