Ла Лига. «Барселона» ўз майдонида «Леванте»ни мағлуб этиб, биринчи ўринга кўтарилди
Испания Ла Лигасининг 25-тури доирасида «Барселона» ўз майдонида «Леванте»ни қабул қилди ва якунда 3:0 ҳисобида йирик ғалабани қўлга киритди.
Ўйинда ҳисоб 4-дақиқада очилди. Иқтидорли яримҳимоячи Марк Бернал рақиб дарвозасини ишғол қилди. 32-дақиқага келиб, Френки де Йонг «кўк-анорранглилар»нинг устунлигини иккитага оширди. Баҳснинг якуний нуқтасини эса 81-дақиқада захирадан майдонга тушган Фермин Лопес қўйди — 3:0.
Ушбу ғалабадан сўнг «Барселона» ўз очколарини 61 тага етказиб, мусобақа жадвалида пешқадамликни қўлга олди. «Леванте» эса 18 очко билан ҳамон хавфли ҳудудда — 19-поғонада бормоқда.
Маълумот учун, «Барселона» ўзининг навбатдаги ўйинини 28 февраль куни ўз уйида «Вильярреал»га қарши ўтказади. «Леванте» эса бир кун аввал «Алавес» билан куч синашади.
Ла Лига. 25-тур
«Барселона» — «Леванте» 3:0
Голлар: Бернал (4), Де Йонг (32), Фермин (81).
