Ла Лига. «Барселона» Мадридда очко йўқотди
Фото: Getty Images
Испания чемпионатининг 3-турида “Барселона” сафарда “Райо Вальекано”га қарши майдонга тушди.
Мадрид шаҳрида кечган беллашувда 1:1 ҳисоби қайд этилди.
Ўйинда дастлаб 40-дақиқада Ламин Ямал пенальтини аниқ амалга ошириб, ҳисобни очди. Жавоб голини 67-дақиқада Фран Перес киритди.
Бу ўйиндан кейин "блауграналар" етти очко билан Ла Лига турнир жадвалида тўртинчи, тўрт очко билан "асаларилар" 10-ўринда бормоқда. Флик жамоаси кейинги тур учрашувини 14 сентябрь куни ўз майдонида “Валенсия”га қарши ўтказади.
Ла Лига. 3-тур
“Райо Вальекано” 1:1 “Барселона”
Голлар: Перес 67 - Ямал 40 пен
