La Liga. «Атлетико» кутилмаганда «Эльче»га имкониятни бой бериб қўйди

Испания Ла Лигасининг 33-тури доирасида «Эльче» ўз майдонида Мадриднинг «Атлетико» жамоасини қабул қилди. «Мануэль Мартинес Валеро» стадионида кечган муросасиз баҳс мезбонларнинг 3:2 ҳисобидаги ғалабаси билан якунланди.

Ўйин воқеаларга жуда бой бўлди:

• 10-дақиқа: «Атлетико» ярим ҳимоячиси Николас Гонсалес ҳисобни очди — 0:1.
• 18-дақиқа: Мезбонлар ҳимоячиси Давид Аффенгрубер мувозанатни тиклади — 1:1.
• 30-дақиқа: Меҳмонлар учун бурилиш нуқтаси — ярим ҳимоячи Тиаго Алмада тўғридан-тўғри қизил карточка олиб, майдонни тарк этди.
• 33-дақиқа: «Эльче» ҳужумчиси Андре Силва пенальтини аниқ амалга ошириб, жамоасини олдинга олиб чиқди — 2:1.
• 34-дақиқа: Николас Гонсалес тезкорлик билан жавоб қайтариб, дублини расмийлаштирди — 2:2.
• 75-дақиқа: Андре Силва ҳам ўзининг иккинчи голини уриб, «Эльче»га муҳим ғалабани тақдим этди — 3:2.

Ушбу мағлубиятдан сўнг, «Атлетико Мадрид» 32 та ўйиндан кейин 57 очко билан турнир жадвалида 4-ўринда қолди. «Эльче» эса очколари сонини 35 тага етказиб, 15-поғонага кўтарилиб олди.

Кейинги турда «Эльче» 26 апрель куни сафарда «Овьедо» билан куч синашса, «Атлетико» 25 апрель куни ўз майдонида Бильбаонинг «Атлетик» клубини қабул қилади.

Насрулло Каримов

Журналист