La Liga. «Atletiko» kutilmaganda «Elche»ga imkoniyatni boy berib qoʻydi

Ispaniya La Ligasining 33-turi doirasida «Elche» o‘z maydonida Madridning «Atletiko» jamoasini qabul qildi. «Manuel Martines Valero» stadionida kechgan murosasiz bahs mezbonlarning 3:2 hisobidagi g‘alabasi bilan yakunlandi.

O‘yin voqealarga juda boy bo‘ldi:

• 10-daqiqa: «Atletiko» yarim himoyachisi Nikolas Gonsales hisobni ochdi — 0:1.
• 18-daqiqa: Mezbonlar himoyachisi David Affengruber muvozanatni tikladi — 1:1.
• 30-daqiqa: Mehmonlar uchun burilish nuqtasi — yarim himoyachi Tyago Almada to‘g‘ridan-to‘g‘ri qizil kartochka olib, maydonni tark etdi.
• 33-daqiqa: «Elche» hujumchisi Andre Silva penaltini aniq amalga oshirib, jamoasini oldinga olib chiqdi — 2:1.
• 34-daqiqa: Nikolas Gonsales tezkorlik bilan javob qaytarib, dublini rasmiylashtirdi — 2:2.
• 75-daqiqa: Andre Silva ham o‘zining ikkinchi golini urib, «Elche»ga muhim g‘alabani taqdim etdi — 3:2.

Ushbu mag‘lubiyatdan so‘ng, «Atletiko Madrid» 32 ta o‘yindan keyin 57 ochko bilan turnir jadvalida 4-o‘rinda qoldi. «Elche» esa ochkolari sonini 35 taga yetkazib, 15-pog‘onaga ko‘tarilib oldi.

Keyingi turda «Elche» 26 aprel kuni safarda «Oviedo» bilan kuch sinashsa, «Atletiko» 25 aprel kuni o‘z maydonida Bilbaoning «Atletik» klubini qabul qiladi.

Nasrullo Karimov

Jurnalist