La Liga. «Атлетик» ўз майдонида «Оасасуна»ни минимал ҳисобда мағлуб этди
Испания La Ligaсининг 33-туридан ўрин олган «Атлетик Бильбао» ва «Оасасуна» жамоалари ўртасидаги учрашув якунланди. Ўйин Бильбаодаги «Сан-Мамес Баррия» стадионида бўлиб ўтди. Баҳсни бош ҳакам Виктор Гарсия Вердура олиб борди. Учрашувда мезбонлар 1:0 ҳисобида ғалаба қозонишди.
Учрашувдаги ягона голни 16-дақиқада «Атлетик» ҳужумчиси Горка Гурусета киритишга муваффақ бўлди. Ўйиннинг 90+1-дақиқасида мезбонлар яримҳимоячиси Микел Хаурексар иккинчи сариқ карточка туфайли майдондан четлатилди.
Испания чемпионатининг 32 та ўйинидан сўнг «Атлетик Бильбао» 41 очко жамғарган ҳолда турнир жадвалида тўққизинчи ўринни эгаллаб турибди. «Оасасуна» эса 39 очко билан 10-поғонадан жой олган.
Чемпионатнинг навбатдаги турида «Атлетик» сафарда Мадриднинг «Атлетико» жамоаси билан куч синашади (25 апрель), «Оасасуна» эса бир кун ўтиб ўз майдонида «Севилья»ни қабул қилади.
