КЎЖЧ. \"Манчестер Сити\" \"Ювентус\"ни йирик ҳисобда мағлуб этди, Ҳусанов захирада қолдирилди
Фото: Getty Images
Клублар ўртасидаги жаҳон чемпионати 3-тур ўйинлари давом этмоқда.
“Манчестер Сити” клуби “Ювентус”га қарши гуруҳ ғолиблиги учун баҳслашди.
Голлар шоусида “шаҳарликлар” 5:2 ҳисобида ғалаба қозониб, гуруҳни 1-ўринда якунлади. “Ювентус” эса 6 очко тўплаган ҳолда 2-ўрин билан чекланди.
Мазкур ўйинда “Сити” сафида Доку, Холанд, Фоден ва Савиньо гол урган бўлса, яна бир гол Калюлу ҳисобига ёзилди. У автоголи билан инглизларга ёрдам берди.
Абдуқодир Ҳусанов “Юве”га қарши захирада қолди.
КЎЖЧ. 3-тур
“Ювентус” 2:5 “Манчестер Сити”
Голлар: Копмейнерс 11, Влахович 84 – Доку 9, Калюлу 26 (автогол), Холанд 52, Фоден 69, Савиньо 76
Розикжон Султонмуродов
Журналист
