Кюрасао дарвохзабони: «Энди менга ҳайкал қўйишса керак»
Кюрасао терма жамоаси дарвозабони Элой Ром Эквадорга (0:0) қарши ўйиндан сўнг фикр билдирди.
Дарвозабон ўз дарвозаси дахлсизлигини сақлаб қолди ва 15 та сейв амалга оширди, Кюрасао жамоаси эса ўз тарихида илк бор ЖЧда очко қўлга киритди.
«Тим Ховарднинг рекордини янгилай олмаганимдан бироз хафаман. Албатта, ўша ўйинни кўрганман, адашмасам, Бельгияга қарши эди, ўшанда Тим Ховардга осон бўлмаган. Бундан ташқари, яна бир жуда-жуда эски рекорд ҳам бор эди, шунинг учун бундан фахрланаман.
Биласизми, мен учун, дарвозабон сифатида, бу деярли мукаммал ўйин. Шундай экан, жамоа учун ҳам жуда фахрланаман, чунки биз буни биргаликда уддаладик. Мен сейвлар қиламан, лекин биз жамоа бўлиб курашамиз. Умуман олганда, ҳа, ўйлайманки, энди менга Кюрасаода ҳайкал керак», — дея Ромнинг сўзларидан иқтибос келтиради Match of the Day’нинг X ижтимоий тармоғидаги аккаунти.
Шунингдек, 37 ёшли Ром Эквадор билан ўйиннинг энг яхши футболчиси деб топилди.
Сўнгги турда «оролликлар» Кот-д'Ивуар терма жамоаси билан ўйнайди, эквадорликлар эса немислар билан куч синашади.
