Kyurasao darvozaboni: «Endi menga haykal qo‘yishsa kerak»
Kyurasao terma jamoasi darvozaboni Eloy Rom Ekvadorga (0:0) qarshi o‘yindan so‘ng fikr bildirdi.
Darvozabon o‘z darvozasi daxlsizligini saqlab qoldi va 15 ta seyv amalga oshirdi, Kyurasao esa o‘z tarixida ilk bor JCHda ochko qo‘lga kiritdi.
«Tim Howardning rekordini yangilay olmaganimgan biroz xafa bo‘ldim. Albatta, o‘sha o‘yinni ko‘rganman, adashmasam, Belgiya bilan o‘yin edi, o‘shanda Tim Howardga oson bo‘lmagan. Bundan tashqari, yana bir juda-juda eski rekord ham bor edi, shuning uchun bundan faxrlanaman.
Bilasizmi, men uchun, darvozabon sifatida, bu deyarli mukammal o‘yin. Shunday ekan, jamoa uchun ham juda faxrlanaman, chunki biz buni birga uddaladik. Men seyvlar qilaman, lekin biz jamoa bo‘lib kurashamiz. Umuman olganda, ha, o‘ylaymanki, endi menga Kyurasao’da haykal kerak», — deya Romning so‘zlaridan iqtibos keltiradi Match of the Day’ning X ijtimoiy tarmog‘idagi akkaunti.
Shuningdek, 37 yoshli Rom Ekvador bilan o‘yinning eng yaxshi futbolchisi deb topildi.
So‘nggi turda «orolliklar» Kot-d’Ivuar terma jamoasi bilan o‘ynaydi, ekvadorliklar esa nemislar bilan kuch sinashadi.
