Кварацхелия: «Мени Марадона билан солиштириш ахмоқлик»
«Наполи»нинг собиқ футболчиси Марадона билан таққослашларига муносабат билдирди.
ФОТО: Getty Images
«Пари Сен-Жермен» қанот ҳужумчиси Хвича Кварацхелия жаҳон футболи афсонаси Диего Марадона билан солиштиришлари ҳақидаги таассуротлари билан ўртоқлашди.
«Неаполда ўйнаб юрган вақтларимда кўчада мени "Кварадона" деб чақиришарди. Сизни ўйин тарихидаги энг яхшилардан бири билан солиштиришса, бу доим ёқимли. Марадона Неаполда ўйнаган, ҳар бир неаполликнинг уйида унинг суратлари бор. У ҳақиқатан ҳам тарихнинг энг яхши ўйинчиларидан бири. Мен бу лақаб билан фахрланаман.
Биласизки, Марадона билан солиштирилиш анча мураккаб нарса, чунки ҳар сафар майдонга тушганингизда ушбу лақабга лойиқ эканлигингизни исботлашингиз керак бўлади. Лекин барибир мен бундан жуда хурсандман», — дея Кварацхелиянинг сўзларини келтирмоқда RMC Sport.
Насрулло Каримов
Журналист