Kvaratsxeliya: «Meni Maradona bilan solishtirish ahmoqlik»
«Pari Sen-Jermen» qanot hujumchisi Xvicha Kvarasxeliya jahon futboli afsonasi Diego Maradona bilan solishtirishlari haqidagi taassurotlari bilan o‘rtoqlashdi.
«Neapolda o‘ynab yurgan vaqtlarimda ko‘chada meni "Kvaradona" deb chaqirishardi. Sizni o‘yin tarixidagi eng yaxshilardan biri bilan solishtirishsa, bu har doim yoqimli. Maradona Neapolda o‘ynagan, har bir neapollikning uyida uning suratlari bor. U haqiqatdan ham tarixning eng yaxshi o‘yinchilaridan biri. Men bu laqab bilan faxrlanaman.
Bilasizki, Maradona bilan solishtirilish ancha murakkab narsa, chunki har safar maydonga tushganingizda ushbu laqabga loyiq ekanligingizni isbotlashingiz kerak bo‘ladi. Lekin baribir men bundan juda xursandman», — deya Kvarasxeliyaning so‘zlarini keltirmoqda RMC Sport.
