Кувайт футзал терма жамоаси Тошкентга етиб келди
Осиё кубоги–2026 мусобақасига тайёргарлик доирасида Ўзбекистон футзал терма жамоаси Кувайт терма жамоасига қарши иккита ўртоқлик-назорат учрашуви ўтказади.
Бугун тонгда Кувайт миллий терма жамоаси делегацияси пойтахтимиз — Тошкент шаҳрига етиб келди. Меҳмонлар Ислом Каримов номидаги халқаро аэропортда кутиб олиниб, Ўзбекистон футбол ассосиациясининг Терма жамоалар марказига жойлаштирилди.
Режага мувофиқ, бугун ҳар икки жамоа машғулотлар ўтказади. Ўртоқлик-назорат учрашувлари эса 16 ҳамда 18-январ кунларига режалаштирилган бўлиб, томонларнинг ўзаро келишувига кўра ёпиқ тарзда ўтказилади.
Маълумот ўрнида:
27-январ — 7-феврал кунлари Индонезиянинг Жакарта шаҳрида бўлиб ўтадиган Осиё кубоги финал босқичида Ўзбекистон С гуруҳида Япония, Австралия ва Тожикистон терма жамоаларига қарши баҳс олиб боради. Кувайт терма жамоаси эса В гуруҳида Таиланд, Вьетнам ва Ливан жамоалари билан куч синашади.
