Куртуа Родрининг «Барселона»ни танлаганига муносабат билдирди

«Реал» дарвозабони Тибо Куртуа ярим ҳимоячи Родрининг Мадрид клуби ўрнига «Барселона»га ўтиш қарорини изоҳлади.

Аввалроқ испаниялик футболчининг «Реал»га ўтиши кутилган эди. Бироқ Родри якунда каталонияликлар сафига қўшилди. Куртуа эса унинг танловига нисбатан фикрини очиқ айтди.

«Ҳар ким ўз йўлини ўзи танлайди. Агар у бошқа клубни танлаган бўлса, бу унинг учун йўқотиш», — деди бельгиялик дарвозабон DAZN эфирида.

Маълумот учун, «Барселона» Родри трансферини 18 август куни расман эълон қилган. 30 ёшли ярим ҳимоячи каталонияликлар билан 2030 йил 30 июнга қадар мўлжалланган шартнома имзолаган. Маълумотларга кўра, трансфернинг кафолатланган қиймати 60 миллион еврони ташкил этган, яна 11 миллион евро бонуслар орқали тўланиши мумкин.

Розикжон Султонмуродов

Журналист

0 0 0 0 0 0