Куртуа «Манчестер Сити» атрофидаги можаро ҳақида фикр билдирди
Бельгия терма жамоаси ва Мадриднинг «Реал» клуби дарвозабони Тибо Куртуа «Манчестер Сити» атрофидаги можарога муносабат билдирди. Англия клуби Премьер-лиганинг молиявий қоидаларини бузганликда айбдор деб топилган эди.
«Манчестер Сити» билан боғлиқ вазият якунда мусобақа натижаларини бузиб кўрсатади. Балки улар ўзлари хоҳлаган футболчиларнинг бирортасини ҳам трансфер қила олмаган бўлар эди», — дея Куртуанинг сўзларини Marca келтирган.
Аввалроқ «Манчестер Сити»нинг кўплаб қоидабузарликлари туфайли Премьер-лигадан четлатилиши ва қўлга киритган чемпионлик унвонларидан маҳрум қилиниши мумкинлиги ҳақида хабарлар тарқалган эди.
Англия чемпионатининг жорий мавсумида Энцо Марески бошчилигидаги жамоа бешта учрашувда 15 очко жамғариб, турнир жадвалида пешқадамлик қилмоқда.
