Куртуа истеъфога чиқарилган Алонсога мурожаат қилди
Аввалроқ мадридликлар испаниялик мутахассис билан хайрлашганди.
ФОТО: Getty Images
Мадриднинг «Реал» клуби дарвозабони Тибо Куртуа жамоа бош мураббийи Хаби Алонсонинг истеъфоси борасида фикр билдирди.
Испаниялик мутахассис Суперкубок финалида «Барселона»га қарши ўйиндаги (2:3) мағлубиятдан сўнг лавозимини тарк этди.
«Ҳаммаси учун раҳмат. Сиз билан ишлаш ёқимли бўлди ва келажакда сизга фақат энг яхшисини тилайман — сиз бунга лойиқсиз», — дея Куртуанинг сўзларини келтиради Marca.
Хаби Алонсо «Реал»ни 2025 йил ёзидан буён бошқариб келаётганди. Унинг ўрнини мадридликларнинг собиқ футболчиси Альваро Арбелоа эгаллади.
Испания чемпионатида «Реал» 19 турдан сўнг 45 очко жамғарган ҳолда иккинчи ўринда бормоқда. Чемпионлар Лигасида эса «қироллик клуби» 12 очко билан умумий жадвалда еттинчи поғонани эгаллаб турибди.
Насрулло Каримов
Журналист