Куртуа «Барселона»га қарши ўйинда иштирок этиши мумкин
Мадриднинг «Реал» клуби дарвозабони Тибо Куртуа 10 май куни бўлиб ўтадиган «Барселона»га қарши учрашувгача сонидаги жароҳатидан фориғ бўлиши кутилмоқда. Бу ҳақда Marca нашри хабар бермоқда.
Манбанинг маълумотларига кўра, агар кутилмаган асоратлар юзага келмаса, бельгиялик посбон ушбу баҳсга тайёр бўлади. Тез орада дарвозабон жамоа билан машғулотларга қайтади.
Эслатиб ўтамиз, Куртуа 17 март куни Чемпионлар Лигасининг 1/8 финали доирасидаги «Манчестер Сити»га (2:1, биринчи ўйин – 3:0) қарши жавоб учрашувида жароҳат олган эди ва шундан бери майдонга тушгани йўқ.
Жорий мавсумда 33 ёшли посбон жами 41 та ўйинда иштирок этиб, ўз дарвозасидан 39 та тўп олиб чиқди. Шунингдек, унинг ҳисобида 15 та «қуруқ» ўйин бор. Transfermarkt портали маълумотларига кўра, футболчининг бозор қиймати 18 миллион еврони ташкил этади.
