Kurtua «Barselona»ga qarshi oʻyinda ishtirok etishi mumkin
Madridning «Real» klubi darvozaboni Tibo Kurtua 10 may kuni bo‘lib o‘tadigan «Barselona»ga qarshi uchrashuvgacha sondagi jarohatidan forig‘ bo‘lishi kutilmoqda. Bu haqda Marca nashri xabar bermoqda.
Manbaning ma’lumotlariga ko‘ra, agar kutilmagan asoratlar yuzaga kelmasa, belgiyalik posbon ushbu bahsga tayyor bo‘ladi. Tez orada darvozabon jamoa bilan mashg‘ulotlarga qaytadi.
Eslatib o‘tamiz, Kurtua 17 mart kuni Chempionlar Ligasining 1/8 finali doirasidagi «Manchester Siti»ga (2:1, birinchi o‘yin – 3:0) qarshi javob uchrashuvida jarohat olgan edi va shundan beri maydonga tushgani yo‘q.
Joriy mavsumda 33 yoshli posbon jami 41 ta o‘yinda ishtirok etib, o‘z darvozasidan 39 ta to‘p olib chiqdi. Shuningdek, uning hisobida 15 ta «quruq» o‘yin bor. Transfermarkt portali ma’lumotlariga ko‘ra, futbolchining bozor qiymati 18 million yevroni tashkil etadi.
