Кураш. Asian Youth Games 2025: Кураш баҳслари 19-20 октябрь кунлари ўтказилади
Севимли спортимиз — кураш шу йилнинг 22–31 октябрь кунлари Манама шаҳрида бўлиб ўтадиган 3-Осиё Ёшлар Ўйинлари (AYG 2025) дастурига киритилганлиги ҳақида хабар берган эдик.
Баҳрайнда 45 мамлакатдан 4 мингдан ортиқ ёш спортчи 24 спорт тури бўйича беллашади.
Кураш баҳслари 19–20 октябрь кунлари ўтказилиб, тўртта вазн тоифасида (ўғил болалар: -65 кг, -83 кг; қизлар: -52 кг, -70 кг) медаллар ўйналади. Ҳар бир мамлакат икки нафар ўғил ва икки нафар қиз спортчини қўйиши мумкин.
IKA президенти Ҳайдер А. Фарман:
“Курашнинг Осиё Ёшлар Ўйинлари дастуридан ўрин олиши спортимиз халқаро нуфузининг ошиб бораётганидан далолатдир. Бу ёш спортчилар учун ўз маҳоратини намойиш этиш ва қитъа миқёсида дўстлик ришталарини мустаҳкамлаш имкониятидир,” — дея таъкидлади.
Тантанали очилиш маросими 22 октябрь куни Exhibition World Bahrain мажмуасида бўлиб ўтади.
