Кунья «Манчестер Юнайтед» мухлисларига мурожаат қилди
АПЛнинг 5 туридан сўнг «қизил иблислар» 5 очко билан 12-ўринда бормоқда.
ФОТО: Getty images
«Манчестер Юнайтед» ҳужумкор ярим ҳимоячиси Матеус Кунья жамоа мухлисларига мурожаат қилди.
«Ичимизда ишонч жуда юқори эканини ҳис қиляпман. Биз нима қилаётганимизни биламиз. Ўйинимизни аввалроқ яхшилашимиз кераклигини тушуняпмиз, чунки ўтган мавсумда бу борада жуда кеч ҳаракат қилдик.
Тасаввур қилинг, агар бу мавсумда ўйинимизни аввалроқ яхшиласак, яхши натижаларга эришишимиз мумкин», — деди Кунья. Унинг сўзларини инсайдер Фабрицио Романо ижтимоий тармоқларда келтирди.
АПЛнинг 5 туридан сўнг «Манчестер Юнайтед» 5 очко билан 12-ўринда бормоқда. Манкунианликлар навбатдаги учрашувни ўз майдонида Лондоннинг «Тоттенҳэм» клубига қарши ўтказади.
