Кунде “Барселона”ни тарк этмоқчи эмас
“Барселона”нинг франциялик ҳимоячиси Жюль Кунде сўнгги учрашувларда етарлича ўйин амалиётига эга бўлмаётганига қарамай, Каталония клубини тарк этиш ниятида эмас. Бу ҳақда Diario Sport нашри хабар бермоқда.
Манбага кўра, 27 ёшли футболчи “Барселона”да қолиб, бош мураббий Ханс-Дитер Фликка ўз имкониятларини исботламоқчи. Шу сабабли у бошқа клублардан тушаётган таклифларни кўриб чиқмаяпти. Бироқ германиялик мутахассис Кундека асосий таркибдан жой кафолатламоқчи эмас.
Ҳозирча “Барселона” раҳбарияти француз ҳимоячисини сотиш ҳақида ўйламаяпти. Шунга қарамай, футболчининг жамоадаги ҳолати ўзгармаса, клуб январ ойидаги трансфер ойнасида унинг келажаги масаласини қайта кўриб чиқиши мумкин.
Маълумот учун, Жюль Кунде 2026/27-йилги мавсумда барча мусобақаларда 5 та учрашувда майдонга тушиб, гол ёки голли узатма қайд этмаган. Унинг “Барселона” билан амалдаги шартномаси 2030-йил ёзигача мўлжалланган.
