Куман: «Думфрис «Реал»дами? Унинг «Барселона»га ўтишини афзал кўрган бўлардим»
Нидерландия терма жамоаси бош мураббийи Роналд Куман "апельсинранглилар" ва "Интер"нинг ўнг қанот ҳимоячиси Дензел Думфриснинг Мадриднинг "Реал" клубига ўтиши ҳақидаги хабарларга муносабат билдирди.
"Трансфер тўлиқ якунланганми ёки йўқми, билмайман, аммо кимдир бундай ўтишга лойиқ бўлса, бу айнан у. Лекин мен унинг "Барселона"га ўтишини афзал кўрган бўлардим", — дея Куманнинг сўзларини келтиради AS.
Эслатиб ўтамиз, Куман 1989 йилдан 1995 йилгача "кўк-анорранглилар" сафида тўп сурган. Шунингдек, нидерландиялик мутахассис 2020 йилдан 2021 йилгача Каталония клуби бош мураббийи лавозимида ишлаган.
Ўтган мавсумда Думфрис барча мусобақаларда 28 та ўйинда иштирок этиб, бешта гол ва иккита голли узатмага муаллифлик қилди.
Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Transfermarkt портали маълумотларига кўра, футболчининг бозор қиймати 25 миллион еврони ташкил этади.
