Кукуреля «Челси»дан кетмоқчи — The Athletic
«Челси»нинг испаниялик ҳимоячиси Марк Кукуреля шу ёзда клубни тарк этиш вариантини кўриб чиқмоқда. Инсайдерларнинг маълумотларига кўра, футболчи жорий мавсум якунларидан қониқмаяпти ва шу сабабли келажаги ҳақида бош қотирмоқда. Бу ҳақда The Athletic нашри хабар берди.
Лондонликлар бу вазиятдан унчалик хавотирда эмас, чунки ҳимоячининг шартномаси якунланишига яна уч йил бор. Шунга қарамай, агар клубни қониқтирадиган таклиф тушса, «Челси» унинг трансферига қаршилик қилмайди. Ҳозирда футболчига харидорлар етарли: «Барселона» уни Испанияга қайтаришни истаяпти, Мадриднинг «Атлетико» клуби ва шахсан Диего Симеоне ҳам Кукуреляни ўзининг устувор мақсадлари рўйхатига киритган.
Шу билан бирга, «Челси» раҳбарияти Кукурелянинг ўрнини тўлдириш ёки ҳимояни кучайтириш мақсадида «Ливерпуль»нинг 27 ёшли француз марказий ҳимоячиси Ибраима Конатини сотиб олиш вариантини ички муҳокамалардан ўтказмоқда.
Маълумот учун, якунланган мавсумда Кукуреля барча турнирларда 50 та ўйинда майдонга тушиб, 1 та гол ва 4 та ассист муаллифига айланган. Transfermarkt портали унинг нархини 50 миллион евро деб баҳолаган.
