Кукурелья: Бизга тажриба етишмади
Кукурелья «ПСЖ»дан учралган мағлубиятдан сўнг клубнинг ривожланиш йўналиши ҳақида фикр билдирди. Кўп мутахассислар томонидан айтилган фикрларни футболчиларнинг ўзида ҳам эшитишингиз мумкин.
«Бизга тажриба етишмади. Кўплаб ўйинчиларимиз бундай даражада биринчи марта ўйнашди ва биз бунинг товонини тўладик.
Биз бундан яхшироқ ўйнашимиз керак эди. Агар хотиржамликни сақлаб қолганимизда, Лондонга 2:3 ҳисобида қайтган бўлардик ва жавоб ўйинида ҳар қандай ҳолат юз бериш мумкин эди.
Биз хатога йўл қўйдик, аниқ бир тузилмага эга бўлмаган ҳолда ҳужум қилишга уриндик ва «ПСЖ» бу имкониятдан фойдаланди.
Бундай натижаларни қабул қилиш ҳар доим оғир. Сен ҳар куни курашасан ва машғулот қиласан, лекин топ даражагача ҳали анча борлигини тушуниб етасан.
Тушунаманки, бу клуб сиёсатининг бир қисми ва улар шу йўналишда ҳаракат қилишни – ёш футболчилар билан шартнома имзолаб, келажакка қарашни хоҳлашади. Аммо ҳали ҳам шу ерда бўлган ва йирик мусобақаларда ғалаба қозонишни истайдиган барчамиз учун бундай дамлар умидсизлик ҳиссини уйғотади.
Бизда ўйинчиларнинг яхши ўзаги бор. Пойдевор яратилган. Аммо АПЛ ёки Чемпионлар лигаси каби йирик совринлар учун курашиш учун кўпроқ нарса керак. Фақат ёш футболчиларни сотиб олиш бу мақсадларга эришишни қийинлаштириши мумкин. «ПСЖ»га қарши ўйинда бизга бундай вазиятларни бошидан кечирган ўйинчилар етишмади.
Ёш ўйинчилар келажакда тажриба ортиради. Аммо бу икки жиҳат ўртасида мувозанат топиш керак», – деди Марк Кукурелья.
