Кристиан Пулишич жароҳати сабаб Австралияга қарши ўйинни ўтказиб юборади
АҚШ яримҳимоячиси Парагвайга қарши ўйинда ноқулайлик ҳис қилганди.
ФОТО: Getty Images
АҚШ терма жамоаси яримҳимоячиси Кристиан Пулишич жароҳати сабаб ЖЧ-2026 гуруҳ босқич 2-туридан ўрин олган Австралияга қарши баҳсда ўз жамоасига ёрдам бера олмайди. Бу ҳақда таниқли журналист ва инсайдер Фабрицио Романо X ижтимоий тармоғидаги саҳифасида хабар тарқатди.
Қайд этилишича, футболчига унинг boldir мушакларидаги жароҳат халал бермоқда. Эслатиб ўтамиз, гуруҳ босқичининг 1-туридан ўрин олган Парагвайга қарши учрашувда (4:1) Пулишич ўзида ноқулайлик ҳис қилган ва ўйинни охиригача етказиб қўя олмасдан, майдонни тарк этган эди.
Жаҳон чемпионати гуруҳ босқичининг сўнгги турида АҚШ терма жамоаси 26-июн куни Туркия вакилларига қарши майдонга тушади. Ушбу учрашув Инглвуддаги (АҚШ) «Соу-Фай» стадионида бўлиб ўтиши белгиланган.
Насрулло Каримов
Журналист