Кристенсен «Барселона»нинг шартномани узайтириш бўйича берилган илк таклифини рад этди — манба
«Барселона» марказий ҳимоячиси Андреас Кристенсен 2026 йилнинг ёзида якунланадиган шартномасини узайтириш бўйича берилган илк таклифни рад этди. Бу ҳақда Mundo Deportivo нашри хабар бермоқда.
Манба берган маълумотларга кўра, 30 ёшли футболчининг агентлари «кўк-анорранглилар» билан музокараларни давом эттирмоқда, чунки ҳимоячининг ўзи фаолиятини айнан «Блауграна» сафида давом эттиришни истайди.
«Барселона» Кристенсеннинг клубга бўлган садоқатини қадрлагани сабабли унга янги меҳнат шартномаси таклиф қилган, бироқ янги битимда кўзда тутилган маош футболчининг ҳозирги даромадидан сезиларли даражада паст. Таъкидланишича, ўйинчига Италия ва Германия жамоалари томонидан қизиқишлар мавжуд.
Жорий мавсумда Кристенсен 17 та учрашувда майдонга тушди. Футболчи декабр ойидан буён чап тиззасидаги олдинги хочсимон боғламларининг қисман узилиши жароҳатидан сўнг тикланиш жараёнини ўтмоқда.
