Kristensen «Barselona»ning shartnomani uzaytirish boʻyicha berilgan ilk taklifini rad etdi — manba
«Barselona» markaziy himoyachisi Andreas Kristensen 2026 yilning yozida yakuniga yetadigan shartnomasini uzaytirish bo‘yicha berilgan ilk taklifni rad etdi. Bu haqda Mundo Deportivo nashri xabar bermoqda.
Manba bergan ma’lumotlarga ko‘ra, 30 yoshli futbolchining agentlari «ko‘k-anorranglilar» bilan muzokaralarni davom ettirmoqda, chunki himoyachining o‘zi faoliyatini aynan «Blaugrana» safida davom ettirishni istaydi.
«Barselona» Kristensenning klubga bo‘lgan sodiqligini qadrlagani sababli unga yangi mehnat shartnomasi taklif qilgan, biroq yangi bitimda ko‘zda tutilgan maosh futbolchining hozirgi daromadidan sezilarli darajada past. Ta’kidlanishicha, o‘yinchiga Italiya va Germaniya jamoalari tomonidan qiziqishlar mavjud.
Joriy mavsumda Kristensen 17 ta uchrashuvda maydonga tushdi. Futbolchi dekabr oyidan buyon chap tizzasidagi oldingi xochsimon bog‘lamlarining qisman uzilishi jarohatidan so‘ng tiklanish jarayonini o‘tamoqda.
