Кристенсен «Барса»да қолиш учун маошини камайишига қарши эмас
Масаланинг молиявий томони Андреасни унчалик ҳам хавотирга солмаяпти.
ФОТО: Getty images
“Барселона”нинг 29 ёшли даниялик ҳимоячиси Андреас Кристенсен ёзда ҳамкорлик бўйича барча таклифларни кўриб чиқади.
Mundo Deportivo нашри хабар берищича, клуб даниялик футболчини жамоада қолишига қарши эмас. Мавсум якунида футболчининг каталонияликлар билан шартномаси якунланиб, у эркин агентга айланади.
Маълумотларга кўра, “Барселона” билан кейинги икки мавсум учун мўлжалланган янги шартнома ҳимоячи маошининг кескин қисқаришини кўзда тутади. Масаланинг молиявий томони Андреасни унчалик ҳам хавотирга солмаяпти.
Андреас Кристенсен 2022 йилдан бери “Барселона” сафида тўп тепмоқда. Жорий мавсумда 17 ўйинда майдонга тушиб, 1 та гол урди.
Розикжон Султонмуродов
Журналист