«Кристал Пэлас»га янги бош мураббий топилди
«Кристал Пэлас» клуби яқин орада «Ланс» устози Пьер Сажни жамоанинг янги бош мураббийи этиб тайинлашга яқин турибди. Бу ҳақда журналист ва инсайдер Николо Скира хабар берди.
Манба берган маълумотларга кўра, Лондон клуби француз мутахассисига 2029 йилгача мўлжалланган шартнома таклиф қилган.
Эслатиб ўтамиз, «бурғутлар»нинг собиқ бош мураббийи Оливер Гласнер якунланган мавсум охирида жамоани тарк этган эди. «Кристал Пэлас» ортда қолган мавсумда Англия Премьер-лигаси турнир жадвалида 15-ўринни эгаллади. Шунингдек, жамоа УЕФА Конференциялар лигасида ғолибликни қўлга киритди.
Пьер Саж қўл остидаги «Ланс» эса 2025/2026 йилги мавсумда Франция кубоги соҳибига айланди, шунингдек, Лига 1 турнир жадвалида иккинчи ўринни эгаллаб, Чемпионлар Лигаси йўлланмасини қўлга киритди.
