«Кристал Пэлас» Сарр билан шартномани узайтирмоқчи
28 ёшли сенегаллик вингернинг «бургутлар» билан амалдаги шартномаси 2029 йил ёзига қадар амал қилади.
Фото: Getty Images
«Кристал Пэлас» раҳбарияти жамоа ярим ҳимоячиси Исмоил Саррнинг вакиллари билан ҳамкорликни узайтириш бўйича музокараларни бошлади. Бу ҳақда инсайдер Экрем Конур ижтимоий тармоқларда маълум қилди.
28 ёшли сенегаллик вингернинг «бургутлар» билан амалдаги шартномаси 2029 йил ёзига қадар амал қилади. Унинг трансфер қиймати 45 миллион еврога баҳоланмоқда.
Аввалроқ матбуотда Саррга «Ливерпуль» клуби қизиқиш билдираётгани ҳақида хабарлар тарқалганди. «Қизиллар» африкалик футболчини ўтган ёзда ўз сафига қўшиб олишни истаган, аммо трансфер амалга ошмаган.
Сарр жорий мавсумда Англия Премьер-лигасида ҳозирча 1 та учрашувда майдонга тушди.
