«Kristal Pelas» Sarr bilan shartnomani uzaytirmoqchi
28 yoshli senegallik vingerning «burgutlar» bilan amaldagi shartnomasi 2029-yil yozigacha amal qiladi.
Фото: Getty Images
«Kristal Pelas» rahbariyati jamoa yarim himoyachisi Ismoil Sarrning vakillari bilan hamkorlikni uzaytirish bo‘yicha muzokaralarni boshladi. Bu haqda insayder Ekrem Konur ijtimoiy tarmoqlarda ma’lum qildi.
28 yoshli senegallik vingerning «burgutlar» bilan amaldagi shartnomasi 2029-yil yozigacha amal qiladi. Uning transfer qiymati 45 million yevroga baholanmoqda.
Avvalroq matbuotda Sarrga «Liverpul» klubi qiziqish bildirayotgani haqida xabarlar tarqalgandi. «Qizillar» afrikalik futbolchini o‘tgan yozda o‘z safiga qo‘shib olishni istagan, ammo transfer amalga oshmagan.
Sarr joriy mavsumda Angliya Premyer-ligasida hozircha 1 ta uchrashuvda maydonga tushdi.
