«Кристал Пэлас» «Челси» ҳимоячиси Аксел Дисасини ижарага олиш бўйича келишувга эришди

«Кристал Пэлас» «Челси» марказий ҳимоячиси Аксел Дисасини ижарага олиш бўйича келишувга эришди. RMC Sport маълумотига кўра, клублар 28 ёшли футболчининг бир мавсумлик ижараси борасида оғзаки келишувга келган.

Битимда футболчини кейинчалик сотиб олиш ҳуқуқи кўзда тутилмаган. Ҳозирда «Кристал Пэлас» Дисаси ва унинг вакиллари билан шахсий шартлар бўйича музокара олиб бормоқда.

Франциялик ҳимоячи ўтган мавсумнинг иккинчи ярмини «Вест Хэм» сафида ижара асосида ўтказди. У Лондон клуби таркибида 17 та учрашувда майдонга тушиб, битта гол урди.

Маълумот учун, Дисасининг «Челси» билан амалдаги шартномаси 2029 йилгача мўлжалланган. Transfermarkt портали унинг бозор қийматини 15 миллион евро деб баҳоламоқда.

Насрулло Каримов

Журналист

0 0 0 0 0 0