Криштиану Роналду ЖЧ-2026 стартидан олдин: «Эртага янги саҳифа очилади»
Португалия мундиалниг илк турида Конго Демократик Республикасига қарши майдонга тушади.
Футбол
Насрулло Каримов
Журналист
ФОТО: Getty Images
Португалия терма жамоаси ҳужумчиси Криштиану Роналду Жаҳон чемпионати — 2026 доирасидаги ДР Конгога қарши илк ўйин олдидан мухлисларга мурожаат йўллади.
«Ҳар сафар ушбу либосни кийганимизда, худди биринчи кундагидек ғурур, иштиёқ ва масъулиятни ҳис қиламиз.
Эртага янги саҳифа очилади.
Биз ушбу лаҳзагача етиб келиш учун тинимсиз меҳнат қилдик, энди мамлакатимиз ҳамда бизни шу ерда ва бутун дунё бўйлаб қўллаб-қувватлаётган барча португал жамоалари учун боримизни берадиган вақт келди. Биз каби сиз ҳам ишонинг!» — деб ёзди Роналду ўзининг X ижтимоий тармоқдаги саҳифасида.
Эслатиб ўтамиз, Жаҳон чемпионатининг 2-турида португалиаликлар Ўзбекистон терма жамоаси билан (23-июн), 3-турда эса Колумбия билан (28-июн) куч синашишади.